طريقة وضع أحمر الشفايف كالمحترفين

السلام عليكم ورحمة الله وبركاته

أنهاردة هقولوكو على سر بجد جربوه وحسو بالفرق 

لما نيجى نحط الرووووج هنعمل عدة خطوااااات بسيطة بس النتيجة بجد تستاهل 

1. لو بتحطى كريم أساس على وشك حطى برضو على شفايفك ولو بتحطى بودرة بس حطى على شفايفك ولو بتحطى الأتنين حطيهم برضو على شفايفك.
2. بنجيب قلم التحديد ويفضل بلون أحمر الشفايف نفسو ولو مش عندك نفس اللون مش مشكلة جربى الألوان وبعد ما تحددى شفايفك وتمليها بقلم التحديد .
3. وبعد ما نملا الشفايف بقلم التحديد نحط فوقيها بودرة كويس.
4. بعد كدة بنحط فوق البودرة اللون اللى عاوزينو وهتلاحظى الفرق كبيييير .
5. ولو عاوزة تحطى جلوس حطى عادى ولا يهمك.
6. لو شفايفك ممتلئة وحابة أنك تصغريها عندى ليكى خدعة جامدة فى خطوة قلم التحديد تقلى المكان اللى على جوانب الشفايف عن باقى الشفايف يعنى الجوانب تكون أتقل من الباقى وكملى الخطوات عادى خالص.
7. وأهم من كل دة هو حالة الشفايف نفسها متكونش جافة ومشققة وهتلاقى هنا فى المدونة نفسها موضوع عن الترطيب.

أنتظرونى بالمزيد 

مع سوبر ليدى

لشفايف متألقة

السلام عليكم ورحمة الله وبركاتة

أنهاردة جايبة ليكم نصيحة من ذهب لازم يا بنات نهتم بالشفاه لما لها من أهمية صحية وجماليه بالنسبة لجفاف الشفاه من أهم أسبابه هو لعق الشفاه المستمر لأن وقت لعق الشفاه باللسان يؤدى إلى مسح الترطيب الطبيعى للشفاه مما يحرمها من الترطيب 

وثانى حاجة هو عوامل الجو والتعرض لنزلات البرد وأغلبنا بيجرى يحط زبدة كاكاو اللى بتتباع ف الصيدليات 

لكن يا بنات أسرع مرطب للشفاه هو الفازلين وعليه نقطة زيت زتون ويا سلام لو عملتية قبل النوم والترطيب دة مهم لصحة الشفاه لأنها بتلعب دور مهم فى غلق الفم لعدم دخول البكتيريا أثناء النوم

تانى حاجة جيباهلكو وهتلاقوها فى موضوع اللى جاى 

هو طريقة وضع أحمر الشفايف كالمحترفين 

فقط مع سوبر ليدى

للمعان وتغذية الشعر

السلام عليكم ورحمة الله وبركاته 

أنهاردة جايبة موضوع جامد جدا عشان الشعر عشان خاطر عيونكو 

مين فينا مزهقش من كتر الوصفات وقلة اللمعان الشعر عاوزة أقولوكو عن الشعر الباهت بيكون مجهد يا إما من كتر الفرد والصبغات من غير ما يرتاح أو من قلة العناية بيه أو عوامل نقص تغذية للشعر 

يعنى أى حد عندو فراغات كبيرة ف شعرو يروح بسرعة ومش يستنى يعمل تحليل دم كامل يتأكد من عندم وجود أنيميا أو خلل ف الغدة الدرقية ولو حصل ولقينا فى مشكلة نعالجها فورا وهنلاقى شعرنا رجع لوحدو 

أولا الشعر محتاج حمام زيت على الأقل مرتين ف الإسبوع وكل واحدة وعلى حسب نوع شعرها والزيوت اللى بتريحها 

ولو مش عاوزة تعملى خطوات كتيرة عارفة زيت عافية أيوووووووون بتاع الأكل أعملى بيه حمام زيت وأشطفيه كويس جدا جدا وأدعيلى على اللمعان اللى هتشوفيه 

فى منتج تانى بستخدموا وعن تجربة وهو فازلين تونيك دة بينفع للشعر الهايش والبهتان وبالأستمرار عليه كل يوم لمدة 3 أيام هتلاحظى توقف تساقط الشعر ولمعان الشعر ودى صورتو للى مش يعرفو 

ملحوظة مهمة :. لايصلح للشعر اللى فتلته رفيعة.

فى بقى حاجة كمان لازم نعملها وهى أننا ندلك الشعر يعنى وأنتى قاعدة على النت متابعة حاجة دليكى فروة راسك مش بالظوافر لا باطراف الصوابع وبشكل دائرى وهتلاحظى النعومة

شوية حركات للشعر بسيطة وسهلة وأنتظروا المزيد والحصرى فقط ومع

 سوبر ليدى