السلام عليكم ورحمة الله وبركاتة
فقط ليدين جميلتين بعض النصائح البسيطة والمكونات المتوفرة أولا عليكى يا عزيزتى الأهتمام بيدك بإرتداء القفازات فى أعمال المنزل خاصة غسيل المواعين وأستعمال المنظفات الكميائية فهى تسبب التصبغات وبهتان لون البشرة طب نعمل إية
هنجيب جوانتى على مقاس اليد نلبسة وقت الأعمال المنزلية مثل غسيل الحمام أو المطبخ أو معظم الأعمال التى يكون بها ماء ومنظفات كميائية.
قبل أرتداء الجوانتى نضع قطرات من زيت الزتون على اليد وندلكها ثم نرتدى الجوانتى وبهذا نرطب اليد وأحنا بنخلص شغلنا ف البيت
طيب هنعمل حاجة تانية بسيطة جدا هنجيب ملح خشن ونحط زيت زتون علية ونحطة فى طبق أو برطمان أو أى حاجة ونسيبو على الحوض بتاع المطبخ بعد ما تخلصى شغلك خالص هتعملى الأسكراب دة على إيدك وتشطفية بالمية بس وتنشفى إيدك بالمناديل وتسيبيها.
فكرة تانية وأحنا بنطبخ طبعا مش هينفع نلبس جوانتى خالص فلو شغالين وفى لمونة نعصر الليمونة وندعك بيها الأظافر من الداخل والخارج وعلى كف الإيد ونتركها حتى ننتهى وتشطف بالماء .
وقبل ما ننام ندهن الإيد بزيت الزيتون وننام ونهتم وأحنا بندهنها ندهن الظافر كمان من منطقة الجوانب.
يجب الأهتمام بعمل الباديكير على الأقل كل ما نلاحظ ظهور الجلد الميت فيعطى جمالا لليد ليس بالشرط أن يكون جمال يدك معتمد على طلاء الأظافر فقط ولكن تكون يدك هى من تجعل طلاء الأظافر جميلا.......
أنتظروا المزيد فقط مع سوبر ليدى
ليست هناك تعليقات:
إرسال تعليق